给力文学网

分卷阅读16（第2页）

搞搞下，等左成15分钟，先见到下部车。

一上车，我一望…譁依部车咁q多人既，唉…又无得搞。

唯有坐定定，等落车啦。

落左车，无耐阿辉就打电话黎啦。

阿辉：“喂…咁鬼耐既…。”

我：“无计啦…隻车死左火丫。”

阿辉：“唔係瓜。”

我：“唔係瓜就菜啦，得啦，就到啦。

阵间见啦。”

跟住我就收左线，之后我走左前面间士多铺问地址係边。

个阿婆傻下傻下咁话：“唔识喎丫，靓仔。”

咁我唯有禁部手机睇地图个地方係边度。

之后我同阿怡就跟住个地图行左十分钟，无几耐，终于见到阿辉，係对面条马路挥手。

过左条马路之后，阿辉就话：“咁耐架你地。”

我：“其他人到齐拿？”

阿辉：“未bor。”

我：“车…咁洗鬼咁急咩…”

阿辉无言以对…係度笑。

一路行，我视线都望实阿辉，睇佢有无昅我条女，结果係无既。

行左无几耐，终于到左果间屋啦，係栋3层既大屋，真係几正喎。

阿辉就开门带我地入去，入到去，第一个反应就係”

譁”

。

个厅等于我成间屋，我谂一层差唔多成千尺。

每层仲要有3间房。

我呆左係门口度：“譁…租咁大间？唔洗钱丫？”

阿辉就笑笑口：“梗係要钱啦，都贵架。

不过值得架值得架。”